Сусветны дзень прадухілення самагубстваў

Штогод 10 верасня ва ўсім свеце адзначаецца Сусветны дзень папярэджання самагубстваў. Ён праходзіць пад эгідай Сусветнай арганізацыі аховы здароўя (СААЗ), пры падтрымцы Міжнароднай асацыяцыі па прадухіленні самагубстваў.
Як паведамляе сайт Сусветнай арганізацыі аховы здароўя, за пяць гадоў з моманту публікацыі першага глабальнага даклада СААЗ аб самагубствах колькасць краін, дзе былі прыняты нацыянальныя стратэгіі прафілактыкі самагубстваў, павялічылася. Аднак у абсалютным выражэнні такіх краін зусім не шмат - усяго 38, і неабходна, каб гэтая лічба працягвала расці.
Самыя высокія паказчыкі самагубстваў адзначаюцца ў краінах з высокім узроўнем даходу, дзе сярод моладзі суіцыд займае другі радок у спісе асноўных прычын смерці.
Асноўнымі мерапрыемствамі, якія даказалі сваю эфектыўнасць у справе скарачэння колькасці самагубстваў, з'яўляюцца:

· абмежаванне доступу да сродкаў здзяйснення самагубства;

· тлумачальная праца са сродкамі масавай інфармацыі па пытаннях адказнага асвятлення выпадкаў самагубства;

· ажыццяўленне праграм развіцця ў моладзі жыццёвых навыкаў, якія дазваляюць ім спраўляцца са стрэсавымі сітуацыямі; ранняе выяўленне асоб, схільных рызыцы здзяйснення самагубства, аказанне ім дапамогі і наступнае назіранне.

Меры па прафілактыцы суіцыдаў уключаюць таксама глабальныя мерапрыемствы на нацыянальным узроўні, накіраваныя на матывацыю насельніцтва да здаровага ладу жыцця. Прапаганда фізічнай культуры і спорту, узмацненне кантролю за абаротам наркотыкаў і кампаніі па барацьбе з алкаголем, вось толькі некаторыя з мер, неабходных для прафілактыкі суіцыдальных настрояў.
Даступнасць заняткаў спортам, выбар клуба па інтарэсах, добраахвотная грамадская праца таксама з'яўляюцца сродкамі прафілактыкі самагубстваў. Заканамерна, што чым шчаслівейшыя і задаволенейшыя жыццём грамадзяне, тым менш самагубстваў. Таму кожны грамадзянін павінен уносіць свой уклад у паляпшэнне якасці жыцця сваіх суграмадзян і ствараць шчаслівае жыццё для сябе.